Geguritan

1.       Bumi wis owah

Donya pancen wis owah

Manungsa padha kakean polah

Yen wis ngene sapa sing kena salah ?

Ya presiden lan pamarentah

Rakyat namung bisa sambat

Nanging isih wae nglakoni maksiat

Delengen kae

Telon bisa kanggo lewat sikil

Kuwi ya marga rendheng kang ora gelem kalah

Genep setaun tandhuran ora entuk jatah

Apa manungsa arep mangan lemah ?

Delengen kae

Alas-alas padha kobongan

Abluk saparan-paran

Tuwa enom ora bisa ambegan

Apa pancen wis teka wayahe yen ambegan kudu mbayar ?

2.       Alas jati

Alas jati iki

Dadi alas kang mati

Kayune padha ditegori

Dadi alas meja lan kursi

Banjur lemahe ?

Malih dadi alas semen lan wesi

Bedeken alas roban kuwi

Alas kang saiki diwedeni

Pirang taun maneh digelar tralis ing ndhuwur bumi ?

Kapan malih toko kang gedhe ?

Apa kudu ngenteni negara kelangan jati dhiri ?

Titenana wae

 

3.       Kang nyata kang dipitaya

Apa kowe kelingan ramalan jayabaya ?

Nalika pasar malih tanpa swara

Utawa kreta ditarik tanpa kuda

Kabeh kuwi kabukti ana

Nalika blanja tanpa swara

Namung milih ing toko pedia

Utawa mara ing kasir Ramayana

Nalika kreta kuda wis ora digdaya

Kalah karo kreta kang gumbrumbung

Pancen jayabaya kang dipitaya

Apa namung manungsa kang ana-ana

Sing mesthi Gusti wis nggawe critane

Lan manungsa sing bakal nglakoni kadadeyane