Geguritan

1.  Rokok

Barang kang namung sapele

Dawane ora luwih saka sunduk sate

Apa maneh bobote

Kepidaka ora ana sing nglegewa

            Barang cilik kan ora ana paedahe

Namung gedhe bebayane

Bisa njalari urip muspro salawase

Anak bojo ara ana genahe

Urusan mangan wis ora dipredulikake

Angger bisa klepas klepus saben dinane

2.  Ngenteni tibaning pupus

Tumiba saka piranti kang utama

Ora ana maneh panguripan liya

Kagawa anagin rana rene ora ana tujuwane

Pungkasane kleser-kleser ana ing lemah

Amarga godhong kang wis garing lan tuwa

Ora namung tuwa

Sing enom uga kadhang tiba

Yen ing ndhuwur gawe iduming ati

Yen ing ngisor pating klesrah saenggon-enggon

Esuk disapu sore saundhung maneh

Sanajan ta mangkana tetep migunani

Gawe suburing gegodhongan liya kang durung wancine tiba

3.  Mbak ayuku

Mbakyuku sing ayu

Seneng nalika weruh guyumu

Guyu kepingkel weruh tingkah polahku

Sanajan aku ora tau nggugu

Nanging mbakyuku tetep dadi guru

Kelingan nalika aku gumuyu ndelok tangismu

Nanging polahku tetep bisa gawe esemmu

Saiki aku wis gedhe mbakyu

Ora kalah ayu karo awakmu

Kapan kowe bali lan ndelok polahe adhimu

Kang saiki luwih ngerti laku

4.  Adhhiku lanang

Jare Bapak lan Ibuku

Bayi abang kuwi adhiku lanang

Laire ning gone Bu Bidhan

Dinane Setu Kliwon

Tekan ngomah ana acara brokohan

Uga digawekake bubur abang

Kanggo njenengi adhiku lanang

Yaiku Muhammad Iqbal