Geguritan

1.  Surakarta

Aku nduwe crita

Crita kang ora dinyana-nyana

Kadadeyane wiwit jaman samana

Saka Mataram kuna nganti dumadine Keraton Surakarta

Yaiku pecahe keraton kang serupa

Nganti dumadine perang ing Kartasura

Antarane Sunan Kuning lan Paku Buana

Ndadekake narapraja kepontang ing dhaerah liya

Kasunanan kelangan wibawa

Banjur dipilih Dhesa Sala

Kang karo Baginda Raja diwastani Surakarta

2.  Sasi Sura

Tanggal sepuluh Sura

Didadekene saisi donya

Uga manungsa pratama

Asmanipun Adam lan Siti Hawa

Yaiku ing sasi Sura

Sasi kang utama

Nanging akeh manungsa kang ora mangerti

Sasi Sura padha diwedeni

Jare besane sang Nyai

Keris-keris padha diadusi

Tapa bisu padha dilakoni

Supaya balak ora kanthi

3.  Maesa sura

Maesa sura

Dipitaya njaga pusaka

Kang ana ing Keraton Surakarta

Cacahe ana sewelas

Kabeh anak turune kebo kyai Slamet

Dipitaya leluhur kang anjilma

Saka jaman Kartasura nganti jaman Surakarta

Njaga pusaka kang cacahe ana lima

4.  Semar mesem

Semar mesem

Semar kang marai lingsem

Yen disawang marakake trap-trapan

Rasane ora karuwan

Sedina muput tansaya kelingan

Marakake guya guyu kaya wong edan

Pancen ajian kang edan