Geguritan

1.       Aku tresna kowe dina iki 

Aja kok jorke tresnamu marang aku

Aku wedi gawe kuciwane atimu

Aja banget-banget anggone seneng aku

Kowe durung ngerti eleke tingkah polahku

Kaya biyasa aku ora bisa janji

Namung bisa nyawang manise esemu

Esem kang gawe krenteging atiku

Kaya biyasa aku ora bisa janji

Namung bisa gumun nyawang kapribadenmu

Ndadekake aku prakara kang wigati

Nanging kaya biyasane aku ora bisa janji

Namung bisa muni

Aku tresna kowe dina iki

2.       Jenengmu R

Tak sebut jenengmu R..

Jeneng yen tak sebut isih gawe krenteging sukma

Jeneng kang gawe ancleping ati

Kaya krikil kegebyur banyu ning kali

Keli nganti samudra gedhe

Kagawa rana rene nganti ilang perihe

Tak sebut jenengmu R..

Jeneng kang gawe rasa sing beda

Jeneng kang tak bela-bela

Ora trima yen ana sing maido

Ora marga jenenge

Nanging marga kowe

Wong sing nduwe jeneng R.

3.       Cecak nguntal baya

Apa kowe kelingan ?

Kelingan marang janjimu

Tekan saiki aku isih ngenteni

Sanajan ora bakal kanthi

Sanajan aku salah yen isih nepati

Amarga aku saiki wis ora aku nalika samana

Amarga akeh wanita kang luwih sampurna

Nanging

Atiku meksa ora gelem lunga

Sanajan kaya cecak nguntal baya