Geguritan

1.  Gara-gara kowe

Saka panggonan kang beda-beda

Tradhisi lan kabudayan kang beda

Agama kang uga beda

Apa maneh watek kang mesthine beda

            Kabeh tumuju ing papan siji

            Lan kabeh ketemu amarga tujuwan kang padha

            Guyon lan tangis kang ana

            Ora krasa tansaya gawe raketing sukma

Sanajan awak kesel lan jeleh amarga adat kang kudu dilakoni saben dina

Nanging amarga kanca

Kanca kang susah seneng melu ana

Kabeh dadi ora ana sing muspra

2.  Apa kurang suwe ?

Apa kurang suwe ?

Tresnaku marang kowe

Seytaku kang ora sepele

Taunan aku ngenteni kowe

Nanging meksa kowe isih ora pitaya

Coba apa maneh kang bisa gawe kowe nrima ?

Apa kudu nyuntak segara ?

Apa kudu mindah bagaskara ?

Nanging aku ora kuwawa

  

3.  Koran

Minangka sarana komunikasi

Maringi kabar kang wigati

Kabeh kadadeyan kang ana ing bumi

Nanging yen wis ilang gunane

Ora ana sing nggumateke

Namung para bakul kanggo mbungkus dagangane

Utawa tukang rosok sing ngupakara rejekine

4.  Sega jagung

Sega jagung

Pratandha susahe simbah kakung

Nalika kerja rodi ing jaman Walanda

Isih mesa sega jagung

Pirang-pirang sing ora kejatah mangan

Namung kerja awan tekan awan

Yen wani nglawan

Nyawa dadi jaminan

6.  Janur garing

Ngertiya aku tresna kowe

Lair batin ora bakal tak kuciwake

Setyaku namung marang kowe

Entenana aku gek ngusahake

Yen nganti tak delok ana janur kuning nglengkung

Bakal tak ganti karo blarak garing

Yen nganti ana cengkir gadhing

Bakal tak ganti karo bluluk garing

7.  Kupluk abang

Kupluk abang pratandha sayang

Sayang marang pangeran

Pangeran kang maringi susah lan seneng

Uga sekabehane kang tumemplek aning awakmu

Pangeran ilahi

Kang ndhawuhi supaya sabar lan aja iri dengki

Ya kupluk abang kuwi

Kupluk kang sejati

Ora namung kupluk sing ngapusi