Geguritan

1.  Lampu Teplok

Wanci bengi tabuh sanga

Lampu teplok cumanthel ing sisih omah

Cumlorote tansaya suthup

Jalaran lisah patra kang saya susut

            Ya namung lampu iki kang gawe sunaring wengi

            Saliyane sunar lintang lan rembulan

            Gawe obornalika ngilangake sayah

            Sawise sedinonan golek panguripan pawon

Lampu teplok gawe tandha rekasaning urip

Rekasa kang wis pesthi saben dina ngampiri

Ngajak awak kang isih sayah tangi ing wanci subuh

Gawe nyambung urip ing dina ngarep

2.  Urip nggolek mati

Urip kuwi nggoleki mati

Marga kabeh kuwi ora ana sing sejati

Bandha donya ora wigati

Namung dadi sarana anuju Gusti

Kabeh bandha ora digawa mati

Anak bojo uga ora ngancani

Namung siji kang wis pesthi

Kabeh kadadeyan bakal piwales Gusti

  

3.  Nganggur

Klontang-klantung ora nduwe pagaweyan

Mangan ngombe njaluk marang liyan

Wong tuwane wis ora kuwat nandhang

Disekolahke dhuwur-dhuwur ora ndang mapan

Namung isin kang bisa disawang

Golek rana rene ora ana lowongan

Sanajan ana

Namung dadi buruh bangunan

Isin karo kanca sabarakan

Sekolah dhuwur kasile ora temenan